Biblical Aramaic

אֲרָמִית

דִּי

מִן · עַל · קֳדָם

אֲנָה · אַנְתְּ

הוּא · הִיא · אִנּוּן · דָא · דְנָה · אִלֵּךְ

שְׁמֵהּ · לֵהּ · אֲבָהָתִי · לִי · מִנָּךְ · בְהוֹן

מַלְכָּא

אֱלָהּ בִּשְׁמַיָּא · אֱלָהּ שְׁמַיָּא · אֱלָהָא

מֶלֶךְ רַב וְשַׁלִּיט · יַמָּא רַבָּא

לָא

לָא־אִיתַי אֲנָשׁ · אִיתַי גְּבַר · דִּי לֵהּ־הִיא

אֲמַר

עֲנוֹ · יְהַבְתְּ · בְעֵינָא · הֲוֵית

לֶהֱוֵא · יוּכַל · תְּקוּם

אָמְרִין · מִתְקַטְּלִין · חָזֵה הֲוֵית

חֱיִי · אֱמַר · לְמִבְעֵא · לְהַחֲוָיָה

מְשַׁבַּח · הוֹדַעְתַּנִי · מִתְקַטְּלִין · יְקִים

הֲוֵית · לֶהֱוֵא · יְהַבְתְּ · יָהֵב

דִּי · לָא · מִן · עַל · קֳדָם · עִם · עַד · בְּרַם · וּכְעַן

מַלְכָּא · מַלְכוּ · שַׁלִּיט · חַכִּימִין · דָתָא · סָפְרָא

חֶלְמָא · פִשְׁרָא · רָזָא · חָכְמְתָא · טְעֵם · פִּתְגָמָא

אֱמַר · יְהַבְתְּ · חָזֵה · יָדַע · עֲנוֹ · שְׁלַח

מַלְכָּא לְעָלְמִין חֱיִי אֱמַר חֶלְמָא לְעַבְדָךְ וּפִשְׁרָא נְחַוֵּֽא׃ עָנֵה מַלְכָּא וְאָמַר לְכַשְׂדָּאֵי מִלְּתָה מִנִּי אַזְדָּא הֵן לָא תְהֽוֹדְעוּנַּנִי חֶלְמָא וּפִשְׁרֵהּ הַדָּמִין תִּתְעַבְדוּן וּבָתֵּיכוֹן נְוָלִי יִתְּשָׂמֽוּן׃ וְהֵן חֶלְמָא וּפִשְׁרֵהּ תְּֽהַחֲוֺן מַתְּנָן וּנְבִזְבָּה וִיקָר שַׂגִּיא תְּקַבְּלוּן מִן־קֳדָמָי לָהֵן חֶלְמָא וּפִשְׁרֵהּ הַחֲוֺֽנִי׃ עֲנוֹ תִנְיָנוּת וְאָמְרִין מַלְכָּא חֶלְמָא יֵאמַר לְעַבְדוֹהִי וּפִשְׁרָה נְהַחֲוֵֽה׃

כׇּל־קֳבֵל דְּנָה מַלְכָּא בְּנַס וּקְצַף שַׂגִּיא וַאֲמַר לְהוֹבָדָה לְכֹל חַכִּימֵי בָבֶֽל׃ וְדָתָא נֶפְקַת וְחַכִּֽימַיָּא מִֽתְקַטְּלִין וּבְעוֹ דָּנִיֵּאל וְחַבְרוֹהִי לְהִתְקְטָלָֽה׃ בֵּאדַיִן דָּנִיֵּאל הֲתִיב עֵטָא וּטְעֵם לְאַרְיוֹךְ רַב־טַבָּחַיָּא דִּי מַלְכָּא דִּי נְפַק לְקַטָּלָה לְחַכִּימֵי בָּבֶֽל׃ עָנֵה וְאָמַר לְאַרְיוֹךְ שַׁלִּיטָא דִֽי־מַלְכָּא עַל־מָה דָתָא מְהַחְצְפָה מִן־קֳדָם מַלְכָּא אֱדַיִן מִלְּתָא הוֹדַע אַרְיוֹךְ לְדָנִיֵּֽאל׃ וְדָנִיֵּאל עַל וּבְעָה מִן־מַלְכָּא דִּי זְמָן יִנְתִּן־לֵהּ וּפִשְׁרָא לְהַֽחֲוָיָה לְמַלְכָּֽא׃

עָנֵה דָנִיֵּאל וְאָמַר חָזֵה הֲוֵית בְּחֶזְוִי עִם־לֵֽילְיָא וַאֲרוּ אַרְבַּע רוּחֵי שְׁמַיָּא מְגִיחָן לְיַמָּא רַבָּֽא׃ וְאַרְבַּע חֵיוָן רַבְרְבָן סָלְקָן מִן־יַמָּא שָׁנְיָן דָּא מִן־דָּֽא׃ קַדְמָיְתָא כְאַרְיֵה וְגַפִּין דִּֽי־נְשַׁר לַהּ חָזֵה הֲוֵית עַד דִּי־מְּרִיטוּ גַפַּהּ וּנְטִילַת מִן־אַרְעָא וְעַל־רַגְלַיִן כֶּאֱנָשׁ הֳקִימַת וּלְבַב אֱנָשׁ יְהִיב לַֽהּ׃

פִּתְגָמָא שְׁלַח מַלְכָּא עַל־רְחוּם בְּעֵל־טְעֵם וְשִׁמְשַׁי סָֽפְרָא וּשְׁאָר כְּנָוָתְהוֹן דִּי יָתְבִין בְּשָֽׁמְרָיִן וּשְׁאָר עֲבַֽר־נַהֲרָה שְׁלָם וּכְעֶֽת׃ נִשְׁתְּוָנָא דִּי שְׁלַחְתּוּן עֲלֶינָא מְפָרַשׁ קֱרִי קׇדָמָֽי׃ וּמִנִּי שִׂים טְעֵם וּבַקַּרוּ וְהַשְׁכַּחוּ דִּי קִרְיְתָא דָךְ מִן־יוֹמָת עָֽלְמָא עַל־מַלְכִין מִֽתְנַשְּׂאָה וּמְרַד וְאֶשְׁתַּדּוּר מִתְעֲבֶד־בַּֽהּ׃